Grabitje e armatosur në Gjilan, punëtorët e marketit arritën ta ndalojnë hajnin

Një grabitje e armatosur ka ndodhur mbrëmë në Gjilan.

Megjithatë, policia njofton se pasi i dyshuari nën kërcënimin e armës ka grabitur paratë nga arka, punëtorët e marketit gjatë ballafaqimit kanë arritur ta ndalojnë hajnin.

Nga njësiti policor i dyshuari është arrestuar si dhe ju është konfiskuar një armë zjarri me një karikator me katër fishek.

I dyshuari pas intervistimit me vendim të prokurorit është dërguar në mbajtje, transmeton Klankosova.tv.