Goditje e rëndë për Indianën, Haliburtoni mungon në finalen e gjashtë

Indiana Pacers rrezikojnë humbjen e finaleve të NBA-së, pasi pësuan në ndeshjen e pestë kundër Oklahoma City Thunder dhe tani janë për herë të parë në disavantazh gjatë këtij plejofi.

Për më tepër, situata është përkeqësuar me dëmtimin e yllit të skuadrës, Tyrese Haliburton, i cili pësoi një tërheqje në pulpë gjatë ndeshjes së fundit.

Trajneri Rick Carlisle tha se ekipi po përgatitet të luajë pa të në ndeshjen që mund të jetë vendimtare.

Nëse Haliburton nuk luan, do të jetë një humbje e madhe për Pacers, pasi ai ka qenë njeri më deciziv gjatë gjithë fazës së plejofit.