Goditi me shuplakë tetëvjeçaren, trajneri kosovar suspendohet për gjashtë muaj

Trajneri i Taekwondo-së Valmir Fetiu, është suspenduar për gjashtë muaj nga ana e Federatës Evropiane të këtij sporti. Fetiu u suspendua nga të gjitha aktivitetet, garat vendore dhe ndërkombëtare. Në vendimin e publikuar, nuk u përmend emri i trajnerit kosovar, por u tha se ai ishte tejet agresiv në fund të garës me sportisten e tij. Ky vendim erdhi pasi trajneri në fjalë u soll ashpër me vajzën e tij Valinën, duke e goditur me shuplakë pas humbjes në finale nga garuesja serbe, Nina Saviq, në evropianin për fëmijë që u mbajt në Tiranë. Pas ngjarjes, trajneri ka kërkuar falje./Klankosova.tv https://klankosova.tv/1evropiani-i-taekwondos-ne-tirane-trajneri-kosovar-i-bie-shuplake-tetevjecares-pasi-humbi-ndaj-serbes/