Goditi me grusht policin, arrestohet një burrë në Shkodër

Një person është arrestuar nga Policia e Shkodrës pasi akuzohet se ka kërcënuar dhe goditur me grusht një efektiv të Policisë Bashkiake. Policia tha se polici ka bërë kallëzim në polici se gjatë të hënës, në kohën që ka qenë në detyrë, shtetasi R. H., e ka kanosur dhe e ka goditur me grusht në fytyrë, pa shkak, shkruan A2CNN, transmeton Klankosova.tv. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Goditjet për shkak të detyrës” dhe “Kanosja për shkak të detyrës”. Për ngjarjen reagoi edhe kryetari i Bashkisë, Benet Beci. “Dua t’i falënderoj efektivët e Policisë së Shkodrës për reagimin e shpejtë dhe arrestimin e autorit me inicialet R.H, që goditi efektivin e Policisë Bashkiake A.T. në krye të detyrës. Uniforma e Policisë Bashkiake dhe e çdo punonjësi të Bashkisë Shkodër është e paprekshme dhe askush nuk mund të dalë mbi ligjin!”, tha ai.