Godet partneren në kokë dhe i shkakton lëndime, arrestohet shqiptari në Greqi

Është arrestuar një shqiptar në Greqi, i cili dyshohet se ka sulmuar fizikisht partneren e tij, duke e lënduar rëndë në kokë. Ngjarja, siç e raportojnë mediave greke, ka ndodhur në shtëpinë ku jeton 35-vjeçarja nga Moldavia. 25-vjeçari ka hyrë nga një dera e ballkonit, e cila thuhet se ka qenë e hapur, dhe ka sulmuar partneren e tij, duke e goditur me kokë, përcjell Klankosova.tv. Fqinjët kanë lajmëruar policinë, pasi kanë dëgjuar zërat. Viktima është dërguar në Spitalin e Përgjithshëm të Larisës. I dyshuari së pari u arratis, por u gjend nga policia në zonën e Karditës. Ndaj tij është ngritur akuza për lëndim të rrezikshëm trupor.