Gjysmëfinalja e dytë i takon Trepçës, mposhtet Sigal Prishtina

77:68. Kështu ka përfunduar ndeshja e dytë gjysmëfinale e “playoff-it” në mes të Trepçës dhe Sigal Prishtinës. Skuadra mitrovicase e mbizotërojë komplet ndeshjen duke arritur që në fund të triumfojë me nëntë pikë epërsi. Çereku i parë i takoi skuadrës vendase që fitoi me rezultat 21:11. Dominimi vazhdoi edhe në çerekun e dytë. Pjesa e parë përfundoi me rezultat 41:32. Edhe në 20 minutat e fundit Trepça mbajti tempon duke mos iu rrezikuar asnjëherë fitorja. Në çerekun e tretë “xehëtarët” patën epërsinë më të thellë, 65:44. E në çerekun e fundit, mysafirët u këndellën paksa, por pa arritur që ta kthejnë rezultatin në favor të tyre. Dyja ekipet janë në kërkim të biletës së finales, që duhet ta marrin ndeshjen e ardhshme. Fituesi i ndeshjes së tretë do të gjendet në finale/ Klankosova.tv Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.