Një grua 80-vjeçare në Turqi rrezikon të kalojë mbi katër vjet pas hekurave pasi goditi në krah mbesën e saj 18-vjeçare me papuçe shtëpie gjatë një debati.
Asiye Kaytan jeton më mbesën e saj, Vural, në lagjen Topraklik të Denizli, në Turqinë jugperëndimore, transmeton Klankosova.tv.
Që prej ndarjes së prindërve të vajzës, 80-vjeçarja është përpjekur ta mbrojë atë, ndonjëherë edhe nga vetja, raportojnë mediat në Turqi.
Vitin e kaluar, më 9 gusht, pasi Vurali u kthye nga puna, ajo i tha gjyshes se do të dilte me disa shoqe. Nga frika për sigurinë e saj, e moshuara tha se nuk do ta lejonte dhe madje mbylli derën për t'u siguruar që Vurali të mos dilte jashtë.
Në një moment gjatë debatit të tyre, e reja tentoi të zhbllokonte derën dhe Kaytan kapi njërën prej papuçeve të shtëpisë dhe e goditi me të në krah. Vural instinktivisht u hakmor duke goditur gjyshen e saj në kokë me telefonin e saj. Kaytan filloi të rrjedh gjak dhe vajza e frikësuar harroi gjithçka për festën dhe thirri një ambulancë. Ata nuk e dinin se ajo që filloi si një grindje familjare do të kthehej përfundimisht në një lajm ndërkombëtar, transmeton Klankosova.tv.
Të dyja u thirrën për t'u marrë në pyetje, dhe përkundër faktit se kishin zgjidhur mosmarrëveshjen e tyre dhe ishin në marrëdhënie të mira, u hap një rast publik dhe Prokuroria Publike ngriti aktakuzë kundër gjyshes 80-vjeçare.
Në rastin e tyre, prokuroria pretendoi se papuçja e përdorur nga Kaytan për të goditur mbesën e saj ishte një armë dhe 18-vjeçarja ka vepruar në vetëmbrojtje kur goditi gruan me telefonin e saj./Klankosova.tv
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
