Gjyqi për sulm seksual, aktori francez Depardieu mbërrin në gjykatë

Aktori i njohur francez Gerard Depardieu mbërriti në një gjykatë në Paris të hënën për gjyqin e tij mbi sulmet e dyshuara seksuale gjatë xhirimeve të një filmi. Depardieu, 76 vjeç, është përballur me akuza për përdhunim ose sulm seksual nga disa gra, të cilat ai i ka mohuar të gjitha, por kjo është hera e parë që ai del në gjykatë për t'iu përgjigjur akuzave, raporton Reuters, transmeton Klankosova.tv. "Ai padyshim e ka mohuar atë që në fillim," tha avokati i Depardieu, Jeremie Assous, për radion franceze RMC të hënën në mëngjes. "Ashtu si çdo person që përballet me gjyq, ai ka të drejtë të flasë. Më në fund do të flasë", shtoi ai.