Gjykimi ndaj Krivaqës e Sejdiut fillon nga ora 13:00 - u shty për pak orë

Seanca e rigjykimit ndaj Dardan Krivaqës dhe Arbër Sejdiut, pritet të nisë nga ora 13:00. Fillimisht ajo ishte paraparë të mbahej nga ora 10:00, por që u shty me arsyetimin se të akuzuarit nuk mund të silleshin nga burgu deri në gjykatë në këtë kohë, raporton Klankosova.tv. Gjykata Themelore e Ferizajt më 4 gusht 2023 e ka dënuar me burgim të përjetshëm Krivaqën për vrasjen e Marigona Osmanit, ndërsa e kishte liruar nga akuza për dhunim. Sejdiu ishte dënuar me 15 vjet burgim për ndihmë në vrasjen e rëndë. Ai ishte liruar nga vepra penale e ndihmës në dhunim. Por, Gjykata e Apelit me aprovimin e ankesës së Prokurorisë Themelore në Ferizaj dhe mbrojtjes së dy të akuzuarve, e ka kthyer çështjen në rigjykim. https://klankosova.tv/me-kerkese-te-mbrojtjes-se-te-akuzuarve-seanca-e-rigjykimit-per-vrasjen-e-marigona-osmanit-shtyhet-per-24-maj/