Gjykimi kundër Pjetër Shalës fillon më 21 shkurt

Më 21 shkurt 2023, nis gjykimi kundër Pjetër Shalës para Dhomave të Specializuara (DHSK). Deklaratat hyrëse janë planifikuar të vijojnë edhe më 22 shkurt. Më 21 shkurt, Kryegjykatësja do të hapë gjykimin, do të kërkojë leximin e akuzave për të akuzuarin, do ta informojë mbi të drejtat dhe detyrimet dhe do ta pyesë të akuzuarin nëse e ka kuptuar Aktakuzën dhe nëse dëshiron të konfirmojë vetëdeklarimin e tij të mëhershëm si i pafajshëm. Më pas, Prokurori i Specializuar, mbrojtësi i viktimave dhe Mbrojtja do të kenë përkatësisht nga dy orë për të dhënë deklaratat e tyre hyrëse.

Gjykimi i Pjetër Shalës fillon më 21 shkurt para Dhomave të Specializuara, njofton Zyra për Komunikim dhe Informim Publik i DHSK-së.

Në fillim të gjykimit, i cili illon në orën 09:30, Kryegjykatësja do të kërkojë leximin e akuzave për të akuzuarin, do ta informojë mbi të drejtat dhe detyrimet dhe do ta pyesë të akuzuarin nëse e ka kuptuar Aktakuzën dhe nëse dëshiron të konfirmojë vetëdeklarimin e tij të mëhershëm si i pafajshëm. Më pas, Prokurori i Specializuar, mbrojtësi i viktimave dhe Mbrojtja do të kenë përkatësisht nga dy orë për të dhënë deklaratat e tyre hyrëse, thuhet në komunikatën e DHSK-së, shkruan Klankosova.tv.

Pjetër Shala akuzohet për përgjegjësi penale individuale dhe ndaj tij janë ngritur katër akuza për krime lufte: ndalim arbitrar, trajtim mizor, torturë dhe vrasje të paligjshme, për të cilat pretendohet se janë kryer midis 17 majit dhe 5 qershorit të vitit 1999 në fabrikën e metalit në Kukës.