Gjykata izraelite zgjat paraburgimin e aktivistëve të flotës së Gazës

Një gjykatë izraelite ka zgjatur me dy ditë paraburgimin e dy aktivistëve të arrestuar në bordin e një flotiljeje me destinacion Gazën, e cila u kap nga forcat izraelite në ujërat ndërkombëtare pranë Greqisë, tha avokati i tyre të dielën. Saif Abu Keshek, një shtetas spanjoll, dhe braziliani Thiago Avila u ndaluan nga autoritetet izraelite vonë të mërkurën dhe u sollën në Izrael, ndërsa më shumë se 100 aktivistë të tjerë pro-palestinezë në bordin e anijeve u dërguan në ishullin grek të Kretës, shkruan Reuters, transmeton Klankosova.tv. Një zëdhënës i gjykatës konfirmoi se paraburgimi i tyre ishte zgjatur deri më 5 maj. Qeveritë e Spanjës dhe Brazilit lëshuan një deklaratë të përbashkët të premten duke e quajtur ndalimin e tyre të paligjshëm.