Është kthyer në qeli shqiptari që dyshohet se vrau kunatin e tij në Greqi, vrasje kjo e cila thuhet se u bë sepse i vrari e ka dhunuar seksualisht vajzën e të dyshuarit.
Vendimi u mor nga Gjykata në Volos, ku kërkesa u parashtrua nga prokuroria, shkruan Tvklan.al, përcjell Klankosova.tv.
50-vjeçari u la javën e shkuar në arrest shtëpie megjithatë ky vendim u ankimua nga organi i akuzës.
F.M është i dyshuar për vrasjen e 33-vjeçarit E.P, ku thuhet se motivi i vrasjes ishte se i vrari i kishte ngacmuar seksualisht vajzën që nga mosha 9-vjeçare dhe e kishte përdhunuar kur ishte 12-vjeçare.
I dyshuari vajzën e kishte me gruan e parë, ndërsa thuhet se i vrari përveç dhunimit e shantazhonte vajzën me video intime se do ta nxirrte në internet, në mënyrë që kështu të përfitonte para prej saj.
●●●
EISHKRIMI NGA
Ermir Istrefi
Editorial nga Klan Kosova — ndjek lajme dhe zhvillimet e tjera kryesore të vendit.
