Gjuriq e siguron Borrellin: Serbia mbetet e përkushtuar në rrugën evropiane

Ministri i ri i Jashtëm i Serbisë, Marko Gjuriq, e ka falënderuar Përfaqësuesin e Lartë të Politikës së Jashtme të BE-së, Josep Borrell, i cili e uroi për marrjen e detyrës.

Ai aty ka bërë një zotim, para kryediplomatit evropian, për rrugën e Beogradit.

“Ju siguroj se Serbia mbetet e përkushtuar në rrugën e saj evropiane dhe kam besim se do të punojmë se bashku shumë ngushtë për ta arritur atë qëllim”, ka shkruar Gjuriq, transmeton KlanKosova.tv.

Borrell paraprakisht ka thënë se pret rreshtim në vlerat dhe politikat evropiane të qeverisë së re serbe.