Gjocaj: Remonti i Kosovës B, një nga arsyet për shtrenjtim të rrymës (VIDEO)

Liron Gjocaj, nga INDEP, ka thënë se remonti i Kosovës B është një nga arsyet e shtrenjtimit të energjisë elektrike në vend. "Duke përfshirë edhe faktin se me planin operativ KEK-u sivjet parasheh që Kosova B të jetë në një remont të thellë, atëherë kjo mund të jetë edhe një arsye shtesë për kostot e rritura operative. për të cilat po kërkohet të kemi një shtrenjtim të rrymës", ka thënë Gjocaj në Info Magazinë. Gjocaj shtoi se vjetërsia e blloqeve, importi e kostot operative po e bëjnë në njëfarë forme të arsyeshme rritjen e energjisë. "Me çdo rritje të energjisë elektrike preket xhepi i qytetarit dhe dëmtohet konsumatori, por duhet të kemi parasysh që sektori i energjisë është jetik dhe s'duhet ta lëmë të degradohet", ka shtuar ai. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=3SB7DyW9-aI