"Gjithçka po shkon mirë" deri më tani, thotë administratorja e zgjedhjeve në Wisconsin

Zgjedhjet e Wisconsin-it po ecin pa probleme deri më tani, tha Meagan Wolfe, administratorja e Komisionit Shtetëror të Zgjedhjeve, në një konferencë shtypi.

“Deri më tani gjithçka po shkon mirë, të gjitha qendrat tona të votimit janë hapur siç pritej”, tha Wolfe, transmeton klankosova.tv.

Siç shkruan CNN, ajo shtoi se "asnjë problem nuk është raportuar" në komisionin shtetëror nga asnjë prej rreth 3,700 qendrave të votimit të shtetit, duke përfshirë asnjë raportim për kërcënime.

Vendvotimet drejtohen nga nëpunësit komunalë, jo nga vetë komisioni.

Votimi i hershëm: Rreth 1.6 milionë votues të Wisconsin kanë votuar tashmë herët ose u janë dërguar fletëvotimet me postë – por kjo është vetëm gjysma e pjesëmarrjes totale në zgjedhjet presidenciale 2020, tha Wolfe.

Kjo do të thotë se "do të jetë një ditë e ngarkuar në votime", parashikoi ajo.