Kompania gjermane e veturave Volkswagen do të përfundojë pothuajse të gjitha veprimet në Iran, ka bërë të ditur Bloomberg duke cituar një zyrtar amerikan.
Administrata e presidentit amerikan, Donald Trump, ka arrit që ta bind kompaninë e veturave gjermane të tërhiqet nga Irani, kështu duke thelluar sanksionet e vendosura nga Shtetet e Bashkuara mbi Iranit.
Shtëpia e Bardhë dhe Volkswagen nuk ishin menjëherë në dispozicion për të komentuar mbi këtë veprim, shkruan Euronews, transmeton Klan Kosova.
Gjatë muajit maj të këtij viti, Donald Trump, u tërhoq nga marrëveshja bërthamorë e vitit 2015, që ishte arritur midis Iranit dhe fuqive të mëdha botërore, ku kërkohej kufizimi i programit bërthamor të Tehranit në këmbim të heqjes së sanksioneve.
●●●
HSHKRIMI NGA
H.S
Editorial nga Klan Kosova — ndjek lajme dhe zhvillimet e tjera kryesore të vendit.
