Gjermania pritet t’i ketë rreth 15 milionë vetura elektrike deri më 2030

Deri në vitin 2030, Gjermania do të duhet t’i ndërtojë rreth 440 mijë stacione për rimbushjen e veturave elektronike. Këtë të dhënë e ka bërë publike një studim i porositur nga Ministria e Transportit në Gjermani, që u publikua të enjten. Studimi gjeti se pas dhjetë jetësh në rrugët e Gjermanisë do të qarkullojnë rreth 14.8 milionë vetura elektrike. Aktualisht ky shtet ka vetëm 33 mijë stacione publike për rimbushje të veturave elektrike. Studimi parashikoi që dy të tretat e hapësirave private të parkimit deri në vitin 2030 do të kishin një pikë për rimbushjen e veturave, por ato do të siguronin vetëm 41 për qind të energjisë elektrike të nevojshme për automjetet. “Për më tepër, pikat publike të rimbushjes janë një domosdoshmëri,” thotë studimi. Në qytete ishte i nevojshëm një stacion publik i rimbushjes për 14 automjete, ndërsa në fshat sipas studimit duhej vetëm një për 23 automjete.