Gjendet pa shenja jete një person në Graçanicë

Një person është gjetur pa shenja jete të dielen në Graçanicë. Rreth ngjarjes tragjike, sot detaje ka dhënë edhe policia përmes raportit 24 orësh, transmeton Klankosova.tv. "Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion", thuhet në raport transmeton Klankosova.tv. Hetimet kanë nisur lidhur me rastin i cili po cilësohet si "Hetim mbi vdekjen".