Gjendet një pushkë gjuetie me tre fishekë në shtëpinë e një personi në Zveçan

Është gjetur një pushkë gjuetie me tre fishekë në shtëpinë e një personi në fshatin Rudar të Zveçanit. Policia ka bërë të ditur se kjo ka ndodhru gjatë një operacioni policor, përcjell Klankosova.tv. "Gjatë një operacioni policor, është kontrolluar shtëpia e të dyshuarit mashkull kosovar, ku është gjetur dhe sekuestruar një pushkë gjuetie me tre fishekë. Me vendim të prokurorit i dyshuari pas intervistimit është liruar në procedurë të rregullt", thuhet tutje në njoftimin e policisë.