Gjendet kanabis i mbjellur në Podujevë, arrestohen katër persona

Janë arrestuar katër persona në Dumnicë të Poshtme të Podujevës, dy shtetas të Shqipërisë dhe dy të Kosovës. Policia ka bërë të ditur se të dyshuarit kosovarë janë arrestuar pasi që në pronën e tyre kanë hasur në një sipërfaqe rreth një hektar të mbjella me misër dhe lëndë narkotike kanabis me gjatësi të ndryshme. Ndërkaq, dy te dyshuarit tjerë, shtetas të Shqipërisë dyshohet se ishin punëtor, përcjell Klankosova.tv. “Janë arrestuar katër të dyshuar meshkuj; dy shtetas të Kosovës dhe dy shtetas të Shqipërisë. Dy të dyshuarit kosovarë janë arrestuar pasi që në pronën e tyre kanë hasur në një sipërfaqe rreth një hektar të mbjella me misër dhe lëndë narkotike kanabis me gjatësi të ndryshme”. “Ndërsa dy te dyshuarit tjerë shtetas të Shqipërisë dyshohet se ishin punëtor. Pas intervistimit me aktvendim të prokurorit kujdestar, katër të dyshuarit dyshohet se kanë kryer veprën penale të lartcekur dhe ndalohen në qendrën mbajtjes”, thuhet tutje në njoftimin e policisë.