Gjenden katër trupa në lumin Sena, i dyshuari po intervistohet nga policia

Policia franceze po merr në pyetje një burrë nën dyshimin për vrasje, pasi katër trupa u gjetën në lumin Sena pranë Parisit.

Viktima e parë u pa nga një kalimtar pranë një ure në Choisy-le-Roi, një periferi juglindore e kryeqytetit, më 13 gusht. Më vonë atë ditë, policia, duke kërkuar në zonë, zbuloi tre trupa të tjerë të zhytur aty pranë.

Trupi i parë kishte qenë në ujë vetëm për një kohë të shkurtër dhe u identifikua si një burrë 40-vjeçar vendas, thanë prokurorët.

Tre të tjerët u gjetën në "një gjendje shumë të avancuar dekompozimi", shtuan ata.

Prokurorët thonë se një nga viktimat është mbytur dhe një tjetër ka pasur lëndime të dhunshme dhe bën të ditur se deri më tani nuk ka prova për një lidhje midis viktimave. Ato mund të jenë zhytur në vende të ndara në rrjedhën e sipërme dhe të jenë marrë nga rryma në këmbët e urës Choisy. I dyshuari po mbahet në Paris. Policia nuk ka dhënë detaje rreth tij apo për sa vrasje po merret në pyetje. /Klankosova.tv