Lajmet e fundit
GJEDNJ: Zvicra ka shkelur të drejtat e njeriut sa i përket çështjes së klimës
Një gjykatë ndërkombëtare në Francë vendosi të martën se dështimi i Zvicrës për të trajtuar në mënyrë adekuate krizën klimatike ishte shkelje e të drejtave të njeriut, në një gjykim historik për klimën që mund të ketë një efekt në të gjithë globin.
Gjykata Evropiane e të Drejtave të Njeriut (GJEDNJ) në Strasburg, Francë dha vendimin e saj në një çështje të ngritur nga më shumë se 2,000 gra zvicerane, shumica e të cilave janë rreth të 70-tave, kundër qeverisë së Zvicrës. Ata argumentuan se valët e të nxehtit të shkaktuara nga ndryshimet klimatike minuan shëndetin dhe cilësinë e jetës së tyre dhe i vendosën ata në rrezik të vdekjes.
Gjykata vendosi se qeveria zvicerane kishte shkelur disa nga të drejtat e grave për shkak të "boshllëqeve kritike" në legjislacionin e saj kombëtar për të reduktuar emetimet e ngrohjes së planetit, si dhe për dështimin për të përmbushur objektivat e kaluara klimatike, raporton CNN, transmeton Klankosova.tv.
Kjo çoi në shkelje të të drejtave të grave për mbrojtje efektive nga "efektet serioze negative të ndryshimit të klimës në jetë, shëndet, mirëqenie dhe cilësinë e jetës", tha gjykata në një deklaratë.
Kjo shënon herën e parë që gjykata vendos mbi çështjet gjyqësore për klimën. Nuk ka të drejtë ankese dhe aktgjykimi është ligjërisht i detyrueshëm.
