Gjatë gushtit pati ulje të numrit të të punësuarve në disa sektorë

Agjencia e Statistikave të Kosovës, ka thënë se indeksi i qarkullimit në sektorët e shërbimeve gjatë muajt gusht të këtij viti, krahasuar me vitin e kaluar kishte rritje në disa grupe. Sipas ASK-së, grupet që këtë vit kishin rritje janë ajo e agjencisë së udhëtimit me 25.06 për qind, hotelet me 16.76 për qind, informacioni dhe komunikacioni me 13.79 për qind, aktivitetet arkitekture dhe inxhinierike me 10.32 për qind dhe baret e restorantet me 2.38 për qind. Bëhet e ditur se gjatë muajt gusht të këtij viti disa grupe në indeksin e qarkullimit në sektorët e shërbimeve kishin zbritje, krahasuar me muajin gusht të vitit të kaluar. Grupet që kishin zbritje gjatë muajit gusht të këtij viti ishin transporti dhe magazinimi me 23.54 për qind dhe tregtia me 3.51 për qind, transmeton Klankosova.tv. Tutje, sipas ASK-së bëhet e ditur se numri i të punësuarve në sektorët e shërbimeve krahasuar me muajin gusht të vitit 2022 kishte rritje te transporti dhe magazinimi me 0.58 për qind, ndërsa zbritje tek agjencia e udhëtimit me 21.51 për qind, informacioni dhe komunikacioni me 12.53 për qind, te hotelet me 7.39 për qind, bar-restorantet me 7.02 për qind, tregtia me 3.24 për qind dhe aktivitetet arkitekture dhe inxhinierike me 0.23 për qind.