Gjashtë të vdekur nga sulmi në TUSASh në Turqi – por çfarë bën kjo kompani?

Një kompani shtetërore turke e mbrojtjes e quajtur Turkish Aerospace Industries – shkurtesa turke TUSASh (TUSAŞ) – ka qenë objektivi i një sulmi të dukshëm terrorist – por çfarë është kjo kompani?

TUSASh projekton dhe prodhon avionë civilë dhe ushtarakë, mjete ajrore pa pilot (UAV) dhe sisteme të tjera të industrisë së mbrojtjes dhe hapësirës.

Kjo përfshin prodhimin e avionëve luftarakë F-16 – me licencë nga ShBA-ja, raporton SkyNews.

Kjo e bën atë një nga prodhuesit më të mëdhenj të industrisë së mbrojtjes në Turqi.

Nënkryetari Cevdet Yilmaz tha se objektivi i sulmit ishte “suksesi i Turqisë në industrinë e mbrojtjes”.

“Duhet të dihet se këto sulme nuk do të jenë në gjendje të pengojnë punonjësit heroikë të industrisë së mbrojtjes”, shkroi ai në Twitter.

UAV-të, si ato të prodhuara nga TUSASh, janë përdorur rregullisht nga ushtria turke në luftën e saj kundër militantëve kurdë brenda vendit dhe përtej kufirit në Irak.

Është e rëndësishme të theksohet se askush nuk e ka marrë përgjegjësinë dhe është ende e paqartë në këtë fazë se kush ishte pas sulmit.

Institucionet shtetërore turke, sulmin e kanë cilësuar si “terrorist”.

Deri më tani, katër viktima janë konfirmuar, ndërsa janë edhe dy sulmues në mesin e të vdekurve. /Klankosova.tv