Bashkëpunimi mes Comodita Home dhe UNICEF që mori nënshkrimin korrikun e 2025-tës, solli shpejt frytet e veta, e në radhë për të përfituar nga të mirat që ofron ujdia këtë herë ishte qyteti i Elbasanit.
Në çerdhet “Europa”, “ Mliza” dhe “Shushica”, qindra fëmijë u surprizuan me lodra edukative ku përmes tyre, të vegjlit jo vetëm që do të kalojnë kohë cilësore duke luajtur, por njëkohësisht do të zhvillojnë aftësi të rëndësishme në komunikim, kreativitet dhe bashkëpunim.
Nga UNICEF Shqipëria, u theksua se kjo nismë po mbështet aktualisht 10 çerdhe publike, ndërsa në vazhdim do të trajnohen edhe qindra edukatorë për të forcuar kapacitetet në zhvillimin e hershëm të fëmijëve.
Nga ana tjetër, përfaqësuesit e Comodita Home e cilësuan këtë iniciativë si një investim në themelet e së ardhmes, duke theksuar rëndësinë që ka fëmijëria e hershme në formimin e çdo individi.
Atmosfera festive u ndje në çdo cep të ambienteve, ku të vegjlit menjëherë nisën të luanin me lodrat e reja, duke ndarë emocionet me njëri-tjetrin. Për stafin edukativ, kjo ishte një nga mbështetjet më domethënëse të viteve të fundit, sidomos për qendrat që ndodhen në zona rurale.
Përveç bashkëpunimit UNICEF Kosovë me Comodita në Kosovë, tashmë është zgjeruar bashkëpunimi edhe me UNICEF Shqipëri si dhe rrjetin e Comoditas në Shqipëri.
https://youtu.be/FW5PXMkk2RA
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
