Gëzim Morina: U kërkojmë falje tifozëve, do të kthehemi edhe më të fortë

Pas eliminimit nga Peja në çerekfinale të playoff-it, kapiteni i Golden Eagle Ylli, Gëzim Morina, ka shprehur zhgënjimin e tij për rezultatet e fundit. Në mes tjerash, ai u ka kërkuar falje edhe tifozëve, pasi nuk arritën që të kapin objektivat që suharekasit i kishin për këtë edicion. "E filluam këtë edicion me mjaft entuziazëm dhe me shpresë për të qenë ndër më të suksesshmit deri më tani. Ndonëse me përkushtim të madh arritëm të rikthejmë në Suharekë trofeun e Ligës mbarëshqiptare, dëshprimin nuk mund ta fshehim asnjëri nga ne pasi që pritjet ishin shumë më të mëdha… Andaj, si kapiten i ekipit, pasi nuk arritem aty ku synonim bashkarisht e njej si përgjegjësi morale që në emër timin dhe të gjithë bashkëlojtarve të ju kërkoj falje të gjithë Suharekës, tifozëve e mbështetësve të klubit e veqanërisht Xhebrailave dhe donatorëve!" - shkroi Morina. Megjithatë, basketbollisti tha se beson që ky edicion të jetë një shtysë për klubin që të rikthehen aty ku Ylli duhet të jetë. "Dëshira ime zjarrtë është që me Golden Eagle Ylli-n të shkëlqejmë të gjithë, ashtu ishte edhe sivjet pa asnjë dyshim.  Edicioni 2025/26 nuk shkoj sipas planit por besoj se do të jetë një shtysë e madhe të bëjmë të pamundurën për ta rikthyer ekipin sërish aty ku tifozët tanë e meritojnë, ku Ylli duhet të jetë. Golden Eagle Ylli është më shumë se një klub, është si një familje për të gjithë ne!", theksoi kapiteni, transmeton Klankosova.tv.