Gjenden trupat e 62 të vdekurve pas rrëzimit të avionit në Brazil

Të gjithë trupat janë nxjerrë nga vendi i aksidentit të avionit në shtetin brazilian të São Paulo, i cili vrau të gjithë persona në bord, kanë konfirmuar autoritetet.

Ekipet kishin punuar për të gjetur dhe identifikuar viktimat e katastrofës pasi aeroplani i drejtuar nga linja ajrore Voepass u rrëzua në qytetin e Vinhedo, raporton BBC, transmeton Klankosova.tv.

Numri i viktimave  të këtij aksidenti ajror ishte 62.

Voepass tha më herët se ATR 72-500 mbante 57 pasagjerë dhe katër anëtarë të ekuipazhit midis Cascavel në shtetin jugor të Paraná në aeroportin Guarulhos në qytetin e São Paulo. Por më vonë konfirmoi se kishte një tjetër pasagjer të pagjetur në fluturim.

Avioni u rrëzua në një zonë banimi, por askush në tokë nuk u lëndua. Zyrtarët thanë se vetëm një shtëpi në një kompleks lokal të bashkëpronësisë ishte dëmtuar.