Gazetarja Mujku: Prokuroria në Hagë u mundua të diskreditojë dëshmitarët amerikanë

Gazetarja e Klan Kosovës, Rina Mujku, e cila po përcjell nga afër gjykimin e ish-krerëve të UÇK-së, ka raportuar sot direkt nga Gjykata, ku sot po mbahet dita e dytë e deklaratat përfundimtare. Për emisionin “Kosova Today”, Mujku bëri të ditur se gjatë seancës ku po jepen fjalët e fundit, Prokuroria ia “mveshi” Hashim Thaçit përgjegjësinë komanduese dhe të lidershipit të UÇK-së, transmeton Klankosova.tv. “Prokurori i Specializuar ka thënë se Hashim Thaçi nuk ka qenë neutral, ka marrë si shembull edhe një video-mesazh të tij adresuar popullit të Kosovës, ku ka treguar edhe strukturën dhe organizimin e Ushtrisë Çlirimtare të Kosovës për gazetarin Nuhi Bytyqi, i cili ka qenë edhe dëshmitar i Prokurorisë në qershor të vitit 2024, duke thënë se kjo gjuhë, sipas Prokurorisë, që është e ashpër nga Hashim Thaçi, është në fakt e modifikuar, dhe se origjinali është shumë më i rëndë, pra duke ia veshur Thaçit përgjegjësinë e komanduesit dhe lidershipin e vet UÇK-së”, tha Mujku në Klan Kosova. Pos tjerash, ajo tha se Prokuroria e Specializuar u mundua të diskreditojë dëshmitarët ndërkombëtarë, të thirrur nga mbrojtja e Thaçit. “Duhet të përmendet se Prokuroria e Specializuar sikurse dje përmes kryeprokurores Kimberly West, edhe sot përmes Matt Howling është munduar që t’i diskreditojë dëshmitarët amerikanë të thirrur nga Hashim Thaçi, duke nisur nga James Rubin e deri të Wesley Clark, sepse sipas Howling, UÇK-ja nuk ua ka pasqyruar situatën e vërtetë ndërkomëtarëve në kohën e luftës”, shtoi gazetarja. https://www.youtube.com/watch?v=Qnkc-xcF08s