Gazetarët italianë që zemëruan Moskën, do të “ikin” për Itali

Dy gazetarë italianë që zemëruan Moskën me një raport televiziv nga pjesët e kontrolluara nga Ukraina të rajonit të Kurskut të Rusisë, do të kthehen në Itali, tha të shtunën transmetuesi shtetëror RAI.

Ministria e Jashtme e Rusisë thirri dje ambasadorin e Italisë për atë që e quajti një "kalim të paligjshëm të kufirit" nga ekuipazhi i RAI.

Ministria e Brendshme po planifikonte të hapte çështje penale kundër dy gazetarëve, shkruan Sky News, përcjell Klankosova.tv.

“Kompania vendosi të detyrojë gazetaren Stefania Battistini dhe kameramanin Simone Traini të kthehen përkohësisht në Itali, vetëm për të garantuar sigurinë personale”, tha RAI.

"Gazetaria nuk është krim. Mundësia e autoriteteve të Moskës për të vënë në gjyq Stefania Battistini dhe Simone Traini është e papranueshme. Raportimi nuk bëhet me autorizime paraprake", thanë në një deklaratë të përbashkët sindikata RAI Usigrai dhe sindikata kombëtare e shtypit e Italisë FNSI.

Një ekuipazh prej katër personash i RAI, që punonte nën shoqërimin ushtarak ukrainas, prodhoi raportin e parë të mediave të huaja nga qyteti rus Sudzha i dëmtuar nga lufta javën e kaluar.

Ministria e Jashtme e Italisë tha se ambasadorja e saj Cecilia Piccioni u kishte shpjeguar autoriteteve ruse se RAI dhe ekipet e saj të lajmeve vepruan në mënyrë të pavarur dhe autonome.

Dy gazetarët janë planifikuar të kthehen nesër në qytetin verior italian të Milanos.