Procesi i tërheqjes së thëngjillit nga minierat e Korporatës Energjetike e Kosovës për punëtorët ka përfunduar.
Këtë e ka konfirmuar Nexhat Llumnica, kryetar i sindikatës së KEK për emisionin Portofol në Klan Kosova FM.
“Janë 3,600 familje që tashmë do të ngrohen me thëngjill dhe jo me energji elektrike, që nënkupton se konsumi energjisë do të bjerë”, është shprehur Llumnica.
“Nuk ka punëtor që ka marrë më pak se 10 tonë dhe numri i atyre që nuk kanë marrë fare është i vogël. Vendimi paraprak ka qenë diskrimunes sepse ka vlejtur vetëm për punëtorët e KEK-ut”.
Sa i përket ndotjes së mund të bëhet nga sasia e dalë e thëngjillit, Llumnica ka theksuar se edhe me djegien e peletit si mjet ngrohjeje ndotet ambient.
Dhjetë tonë thëngjill aktualisht shiten me çmim prej 150 eurosh.
●●●
LSHKRIMI NGA
LiZe
Editorial nga Klan Kosova — ndjek lajme dhe zhvillimet e tjera kryesore të vendit.
