Garat me mjete sportive në Durrës, përplaset dhe vdes 40-vjeçari

Një 40-vjeçar ka vdekur gjatë një gare me mjete sportive në Shijak. Ngjarja ndodhi në një kartodrom në fshatin Pjezës të Shijakut.

Policia vendore bëri të ditur se tek Arena Kartin Albania 3, gjatë garave me mjete sportive, janë përplasur dy mjete dhe si pasojë e përplasjes ka humbur jetën njëri prej drejtuesve, i identifikuar si shtetasi A. M., 40 vjeç, banues në Fier.

Grupi hetimor ndodhet në vendngjarje dhe po punon për sqarimin e rrethanave të aksidentit./tch/