Lady Gaga reagoi pasi fansat e bënë sërish hit albumin e saj ARTPOP, më shumë se shtatë vjet pasi është publikuar.
Nëse shihni tabelat e iTunes tani, do të vëreni se albumi aktualisht është i radhitur i treti, dhe peticioni që Gaga të publikojë albumin B-sides tashmë është nënshkruar nga mbi 40 mijë persona.
Këngëtarja reagoi si për radhitjen në tabelë ashtu edhe për peticionin me anë të cicërimave në Twitter, të postuara në orët e hershme të mëngjesit.
“Peticioni #bliARTPOPnëiTunës për një vëllim të dytë ka frymëzuar një ngrohtësi të jashtëzakonshme në zemrën time. Bërja e këtij albumi ishte si një operacion zemre, isha e dëshpëruar, me dhimbje, dhe derdha gjithë zemrën time në muzikë elektronike që përplasej më fortë se secili ilaç që do mund të gjeja”, tha Gaga në njërin prej postimeve të saj.
Ndërkaq në të dytin ajo shkroi: “U ndava në dysh kur e publikova këtë album. Faleminderit që festuat diçka që dikur ishte ndjesia si e shkatërrimit. Ne gjithmonë besonim se ishte para kohës së saj. Vite më vonë rezulton, ndonjëherë, artistët e dinë. Dhe kështu bëjnë edhe monstrat e vegjël. Putrat lart”.
Gaga ka lënë të kuptohet se një version i dytë i albumit, me titull Act II, ishte në proces. Edhe pse albumi ishte i suksesshëm, me mbi 2.5 milionë kopje të shitura, shumë fansa e ndjejnë se puna e saj është nënvlerësuar dhe se nuk ka marrë asnjëherë vlerësimet e merituara.
●●●
EVSHKRIMI NGA
E V
Editorial nga Klan Kosova — ndjek prive dhe zhvillimet e tjera kryesore të vendit.
