Futbollisti nga Nikaragua rrezikon të arrestohet para ndeshjes, shkak borxhi për ushqimin e fëmijëve

Një futbollist i përfaqësueses së Nikaraguas rrezikoi të humbiste ndeshjen eliminatore të Botërorit 2026 kundër Kosta Rikës, pasi ndaj tij kishte një urdhër arresti për shkak të një borxhi lidhur me ushqimin e fëmijëve. Policia u paraqit në dhomën e zhveshjes së stadiumit kombëtar të San Joses për ta arrestuar pak para ndeshjes, transmeton Klankosova.tv. Sekretari i përgjithshëm i Federatës së Futbollit të Kosta Rikës, Gustavo Araya, sqaroi situatën për gazetarët dhe praninë e policisë, por nuk dha më shumë detaje, pasi rasti përfshinte edhe një person të mitur. Identiteti i lojtarit nuk u bë publik, por ai arriti të luante ndeshjen pasi ra dakord që të paguante borxhin menjëherë pas përfundimit të saj, duke shmangur kështu arrestimin. Kosta Rika e fitoi ndeshjen me rezultatin 4-1, e vlefshme për fazën përfundimtare të eliminatoreve të “Concacaf” për Kupën e Botës 2026. Ndeshja ishte vendimtare për të dyja skuadrat. Kosta Rika, me 3 pikë, kishte nevojë për fitoren për të mbajtur gjallë shpresat për vendin e parë në grup, ndërsa Nikaragua, me vetëm 1 pikë, u eliminua praktikisht pas kësaj humbjeje. /Klankosova.tv