“Furia e Kuqe” shuan këngën e “Gjelave”, Spanja në finale pas nëntë golave

Spanja ka kaluar në finale të Ligës së Kombeve pas një përballjeje me plot tetë gola ndaj Francës. Williams e hapi serinë e golave në minutën e 22-të për “Furinë e Kuqe”, ku vetëm tre minuta më vonë, Merino e dyfishoi rezultatin. Spanjollët shënuan edhe një herë në minutën e 44-të, por që goli i Huijsen u anulua për pozitë jashtë loje. Më të nisur pjesa e dytë, Yamal e nxori një penallti të cilën e konkretizoi vet në gol në minutën e 54-të, kurse tre minuta më vonë, Pedri shënoi për 4-0. ‘Sefte’ për Francën ia bëri Mbappe në minutën e 59-të, por që Yamal shënoi golin e dytë në takim. Ndeshja u nxeh krejt në fund pasi Franca shënoi edhe tri herë të tjera, fillimisht me Cherkin në minutën e 79-të, kurse pesë minuta më vonë Vivian realizoi në portën e tij. Dy minuta para fundit të takimit, Kolo Muani ngriti shpresat për francezët, por që “Gjelat” nuk arritën të bënin më tepër. Në finale, Spanja do të përballet me Portugalinë, e cila mbrëmë e eliminoi Gjermaninë.