Në jugun e Burkina Fasos në Afrikën perëndimore, në kufi me Ghanën, gjendet ngjë fshat i vogël me 1.2 hektarë, i quajtur Tiebele.
Ky fshat është shtëpia e Kassenëve, një nga grupet entike më të vjetra të vendosura në Burkina Faso në shekullin e 15.
Fshati Tiebele është i njohur për arkitekturën tradicionale Gourunsi dhe për muret e shtëpive të dekoruara detajisht.
Zakonisht shtëpitë ndërtohen me materiale lokale, si dheu, drunjtë dhe kashta.
Shtëpitë në këtë fshat janë ndërtuar kryesisht për mbrojtje, qoftë ajo nga kushtet klimatike, ose nga ndonjë armik potencial pasi që luftërat mes fiseve nuk ishin të rralla në këto anë.
Muret janë gjysmë metre të trasha, dhe shtëpitë nuk kanë dritare, por kanë vetëm një ose dy hapje të vogla, sa për të lënë pak dritë të kalojë.
Tipari më karakteristik, është dekorimi i komplikuar që mbulon shtëpitë në këtë fshat.
Të pikturuara me baltë të ngjyrosur dhe gurë, këto dekorime, tregojnë histori të fiseve antike.
Motivet mund të ilustrojnë çdo gjë, që nga objektet e përdorura në jetën e përditshme, deri tek religjioni dhe besimet, dhe këto modele dekorative dallojnë nga një shtëpi në tjetrën.
Çdo vizatim ka kuptimin e vet, më së shpeshti janë: mençuria, fertiliteti, miqësia, lidershipi, jeta pas vdekjes, aleanca etj.
●●●
DSHKRIMI NGA
D.T
Editorial nga Klan Kosova — ndjek lifestyle dhe zhvillimet e tjera kryesore të vendit.
