Lajmet e fundit
Të njëjtat zona të Spanjës lindore tashmë të goditura nga përmbytjet pritet të kenë më shumë reshje shiu gjatë dy ditëve të ardhshme, paralajmërimet janë në fuqi për zona të tjera në vend.
Midis tyre është Sevilja, në jug-perëndim të Spanjës.
Edhe pse qyteti nuk ka pësuar ende ndonjë incident të madh në lidhje me motin ditët e fundit, autoritetet raportohet se po monitorojnë nga afër nivelet e lumit Guadaira, midis kryeqytetit Andaluzian dhe Alcala de Guadaira, dhe lumit Cormones, teksa kalon në Karmona.
Zyrtari qeveritar Francisco Toscano tha se lumi Guadaira ishte "në nivel portokalli dhe në rritje", sipas El Pais.
Gazeta shpjegon se niveli portokalli tregon se pragu i një lumi është arritur - dhe se vëllimi i shiut mund të shkaktojë një ngjarje "të rrezikshme".
Niveli tjetër, i kuq, sugjeron se lumi është përtej kufijve të tij maksimalë dhe se përmbytjet janë të mundshme.
Një paralajmërim i verdhë është në fuqi për pothuajse të gjithë provincën e Seviljes deri në orën 18:00 me orën lokale, shkruan Skynews, transmeton Klankosova.tv
