Lajmet e fundit
Franca tha të mërkurën se kushtet nuk ishin të përshtatshme për të njohur zyrtarisht një shtet palestinez dhe se një vendim i tillë duhet të jetë më shumë se thjesht qëndrim simbolik ose politik.
Vërejtjet e ministrit të Jashtëm, Stephane Sejourne, e distancuan Francën nga Irlanda, Spanja dhe Norvegjia, të cilat thanë të mërkurën se do të njihnin një shtet palestinez më 28 maj, duke shpresuar të përshpejtonin përpjekjet për të siguruar një armëpushim në luftën e Gazës.
“Franca nuk konsideron se janë plotësuar ende kushtet që ky vendim të ketë një ndikim real në këtë proces”, tha Sejourne pas bisedimeve në Paris me ministrin e Jashtëm izraelit, Israel Katz.
Parisi ka thënë më parë se njohja e një shteti palestinez nuk është tabu, por duhet të jetë pjesë e një përpjekjeje më të gjerë për të arritur një zgjidhje me dy shtete midis palestinezëve dhe izraelitëve.
Pavarësisht lobimit nga disa vende evropiane dhe disa shtete arabe për të njohur një shtet palestinez, Franca ka thënë se një gjë e tillë do të bënte pak për të ndryshuar situatën në terren pa negociata të vërteta, shkruan Reuters, transmeton Klankosova.tv.
