Franca rinis trenin e natës Paris-Nice për të inkurajuar njerëzit të fluturojnë më pak

Një shërbim treni natën nga Parisi në Nic do të rifillojë të enjten, tre vjet pasi ishte anuluar për shkak të mungesës së klientëve. Kjo po ndodh me kërkesën e qeverisë franceze për të promovuar një "mënyrë të virtytshme të transportit". Treni do të niset nga stacioni Paris Austerlitz në 20:52 dhe do të mbërrijë në 09:11 në qytetin bregdetar të Nicës, shkruan Euronews, transmeton klankosova.tv Kryeministri i Francës, Jean Castex, do të jetë në bordin e udhëtimit përurues 12-orësh. Nisja ishte planifikuar fillimisht për 16 prill por u shty për shkak të pandemisë e që e gjithë kjo synon të "nxjerrë në pah një mënyrë të virtytshme transporti që kontribuon në hapjen e rajoneve," i tha AFP një burim pranë kryeministrit. Shërbimi u anulua në dhjetor të vitit 2017 për shkak të mungesës së përfitimit. Por, qeveria ka caktuar 5.3 miliardë euro për sektorin hekurudhor si pjesë e planit të saj të rimëkëmbjes, duke përfshirë 100 milionë euro për trenat e natës. Qeveria Franceze gjithashtu ka kërkuar që Air France të zvogëlojë fluturimet e brendshme për udhëtime që mund të bëhen në më pak se dy orë e gjysmë me tren si kusht për shpëtimin e tij. Aktualisht ka vetëm dy trena natë që qarkullojnë rreth Francës. Ministri i Transportit Jean-Baptiste Djebbari tha në fillim të këtij viti se ambicia e qeverisë "është që të ketë dhjetë apo ca trena natë deri në 2030." "Qeveria ka caktuar 5.3 miliardë euro për sektorin hekurudhor si pjesë e planit të saj të rimëkëmbjes, një shërbim nate midis Parisit dhe Tarbes, në Francën jugperëndimore, pritet të fillojë në fund të vitit". Rivendosja e trenave të natës ishte një nga propozimet e Konventës Citoyenne pour le Climat - një asamble qytetare e ngarkuar për të dalë me ide për të përshpejtuar dekarbonizimin e Francës në një mënyrë të drejtë. Ajo u krijua pasi plani i qeverisë për të rritur taksat mbi benzinën dhe naftën shkaktoi protestën e Gilets Jaunes (Jelekët e Verdhë).