Lajmet e fundit
Kryeministri francez, Gabriel Attal njoftoi të mërkurën dërgimin e forcave ushtarake në portet dhe aeroportet e Kaledonisë së Re mes një rritje të dhunës midis protestuesve, milicive dhe policisë, në ishullin e Paqësorit Jugor.
''Personeli ushtarak nga forcat e armatosura po vendoset për të siguruar portet dhe aeroportin e Kaledonisë së Re'', tha ai në hapjen e një takimi ndërministror të krizës në Ministrinë e Brendshme, përcjell klankosova.tv.
Për më tepër, ai tha se komisioneri i lartë i territorit, Louis Le Franc i tha atij për një ndalim të mediave sociale TikTok për të shmangur përhapjen e dezinformatave gjatë protestave.
''I ftoj liderët politikë kaledonianë të kapin këtë dorë të zgjatur dhe të vijnë në Paris për diskutime gjatë javëve të ardhshme […] Gjëja e rëndësishme është të gjejmë mjetet për të siguruar që zgjedhja sovrane e Kaledonisë së Re për të mbetur pjesë e Republikës të respektohet, dhe për të gjetur ekuilibrin e duhur për të ardhmen'', tha Attal gjatë fjalimit të tij në Asamblenë Kombëtare.
