Franca bëhet vendi i gjashtë në botë me mbi 10 milionë infektime me COVID-19

Franca u bë vendi i gjashtë në botë që raportoi më shumë se 10 milionë infeksione COVID-19 që nga shpërthimi i pandemisë, sipas të dhënave zyrtare të publikuara të shtunën. Autoritetet shëndetësore franceze raportuan 219 mijë e 126 raste të reja të konfirmuara në një periudhë 24-orëshe, për të katërtën ditë me radhë që vendi ka regjistruar më shumë se 200 mijë raste, shkruan Reuters, transmeton Klankosova.tv. Franca iu bashkua Shteteve të Bashkuara, Indisë, Brazilit, Britanisë dhe Rusisë duke pasur më shumë se 10 milionë raste. Shifra e së shtunës ishte e dyta më e lartë pas rekordit prej 232 mijë e 200 të premten, kur presidenti francez Emmanuel Macron paralajmëroi se javët e ardhshme do të ishin të vështira. Në fjalimin e tij të Vitit të Ri, Macron nuk përmendi nevojën për masa më kufizuese shëndetësore sesa ato të paralajmëruara tashmë, duke shtuar se qeveria duhet të përmbahet nga kufizimi i mëtejshëm i lirive individuale. Por qeveria tha më herët të shtunën se nga e hëna mbajtja e maskave në hapësirat publike do të jetë e detyrueshme për fëmijët deri në moshën gjashtë vjeç kundrejt 11 vjeç më parë. Numri i personave të shtruar në spital për COVID-19 është rritur me 96 gjatë 24 orëve, duke qëndruar në një kulm prej më shumë se shtatë muajsh prej 18 mijë e 811. Por kjo shifër është ende pothuajse gjysma e rekordit prej 33 mijë e 497 të arritur në nëntor 2020. Numri i vdekjeve nga COVID-19 u rrit me 110 gjatë 24 orëve në 123 mijë 851, i 12-ti më i lartë në botë. Mesatarja lëvizëse shtatëditore e vdekjeve të reja ditore ka arritur në 186, një nivel i lartë që nga 14 maji.