Lajmet e fundit
Fotografitë me ngjyrë, më të vjetrat në botë, ishin krijuar duke përdorur niseshte patatesh, sipas një artikulli në The Independent.
Pionerët e asaj kohe, vëllezërit Auguste dhe Louise Lumiere, bënë historinë më 1907, duke transformuar botën fotografike bardh e zi në kolorite, duke përdorur shpikjen e tyre të re: Autochrome Lumiere.
Para saj, fotografia kolorite kishte qenë në fillet e saj, dhe procesi kishte qenë i komplikuar dhe i ngathët.
Sidoqoftë, teknologjia e tyre e re ‘pushtoi’ botën, dhe u bë metoda e parë e zbatueshme në krijimin e imazheve me ngjyra.
Ndonëse konsumonte kohën për së tepërmi, kjo metodë përfshinte mbulimin e një disku xhami me një përbërje kokrrash të niseshteve të patates – të ngjyrosura me të gjelbër, të kuqe dhe kaltër për ta krijuar një filtër.
Pasi shtonin një shtresë të hollë të emulsionit, pllakëza kthehej përmbys dhe i ekspozohej dritës për një periudhë të gjatë.
Drita që reflektohej përmes niseshteve kolorite, do të fiksohej më pastaj në fotografi dhe më pastaj do të shfaqte ngjyrime të jetës reale.
