Fotot eksplicite nga AI të Taylor Swift bëhen virale, X bllokon kërkimet për këngëtaren

Platforma e mediave sociale X ka bllokuar kërkimet për këngëtaren, Taylor Swift pasi imazhet eksplicite të këngëtares të krijuara nga AI filluan të qarkullojnë në faqe. Në një deklaratë për BBC, kreu i operacioneve të biznesit të X, Joe Benarroch tha se ishte një "veprim i përkohshëm" për t'i dhënë përparësi sigurisë, transmeton Klankosova.tv. Kur kërkoni për Swift në sajt, shfaqet një mesazh që thotë: "Diçka shkoi keq. Provo të ringarkosh". Imazhet e rreme grafike të këngëtares u shfaqën në faqe në fillim të kësaj jave. Disa u bënë virale dhe u panë miliona herë, duke shkaktuar alarm nga zyrtarët amerikanë dhe fansat e këngëtares. Postimet dhe llogaritë që shpërndanin imazhet e rreme u flamuruan nga fansat e saj, të cilët e mbushën platformën me imazhe dhe video reale të saj, duke përdorur fjalët "mbroje Taylor Swift". Fotot e shtynë X, dikur Twitter, të lëshonte një deklaratë të premten, duke thënë se postimi i lakuriqësisë jo konsensuale në platformë është "rreptësisht i ndaluar".