Lajmet e fundit
“The Gold Hope Project” është një grup i fotografëve të cilët i bëjnë fotografi fëmijëve të prekur nga kanceri, si një mënyrë që t’i tregojnë botës se sa luftëtar të mëdhenj janë ata.
Ky grup u inspirua nga një vajzë pesë vjeçare e quajtur Ava, një vajzë e prekur nga tumori në tru që i pëlqente shumë të përqafohej dhe të qeshte, transmeton Klan Kosova.
Ajo ishte diagnostifikua me këtë sëmundje vetëm kur ishte katërvjeçare. Si për çdo familje tjetër, edhe për familjen e Ava ky lajm ishte shkatërrues. Ndonëse familja e kishte dërguar atë në spital për t’iu nënshtruar kimioterapisë prapë ekzistonte një dyshim që ata mund ta humbin vogëlushen e tyre.
Gjatë betejës së saj ma kancer, fotografië e Ava morën një kuptim tjetër për ta. Për familjen e vogëlushes këto fotografi ishin mënyra më e mirë për të dokumentuar atë duke u rritur. Prindërit e saj, kishin nevojë që të mbanin mend gjithmonë shkëlqimin e syve të saj.
Fotografja e Ava ia dhuroi prindërve të saj, fotosesionin me fotografitë e bukura të luftëtares së vogël pak kohë pasi ajo vdiq. Në këto fotografi, Ava nuk dukej e sëmurë. Ajo po e shijonte jetën, po këndonte e buzëqeshte.
E pikërisht kjo ishte arsyeja pse disa fotografë realizuan projektin “The Gold Hope”. Ata dëshironin që familjarët e fëmiëjve të prekur nga këto sëmundje, meritojnë momente ku fëmijët e tyre duken të lumtur dhe me shpresë.
