Të mërkurën, media “Nacionale” publikoi një pamje ku shihej portreti i ish-Presidentit Hashim Thaçi, në një depo të mbushur me mbeturina, ambient i cili u tha se i përket Ministrisë së Jashtme dhe të Diasporës.
Për këtë, në emisionin “Kosova Today”, deputetja e PDK-së, Blerta Deliu-Kodra tha se është më shumë sesa shpërfillje, transmeton Klankosova.tv.
“Është më shumë se shpërfillje, sepse fundja emri i Presidentit Hashim Thaçi nuk është emër i përveçëm, dhe se a mund t’i pëlqejë dikujt ose jo fare pak ka rëndësi. Sot po flasim për figurën partiak e politik që ka qenë pjesë e shtetndërtimit të Kosovës, pjesë e Ushtrisë Çlirimtare të Kosovës, ka qenë kryeministër dhe president së fundi”, tha ajo në Klan Kosova.
Ndër të tjera, deputetja tha se heshtja e Ministrisë së Punëve të Jashtme dhe Diasporës, sipas saj, flet shumë.
Po ashtu, ajo tha se asgjë nuk mund ta zbehë kontributin e Hashim Thaçit që ka dhënë për Kosovën.
https://www.youtube.com/watch?v=a4C77P2Ew6M
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
