Lajmet e fundit
Ndërsa foshnjat e lindura me virusin Zika, po arrijnë në fazën e vogëlushëve, ato vazhdojnë të tregojnë vonesa zhvillimore fizike dhe psikologjike madje sipas një raporti ato po ballafaqohen me kriza dëgjimi e vizioni të qartë të pamjes.
Kështu kanë njoftuar Qendrat për Kontrollin dhe Parandalimin e Sëmundjeve në Atlanta, ndërsa kanë vëzhguar një grup prej 19 prej këtyre fëmijëve, e të cilët tashmë pritet të shënojnë dyvjetorin e lindjes, transmeton Klan Kosova.
Virusi shkaktoi defekte të lindjes, duke përfshirë mikrocefalin – gjë që shkakton koka jonormale të vogla dhe të çrregullt - për foshnjat e disa prej grave shtatzëna të thumbuara nga mushkonjat e infektuara.
Rruga sfiduese përpara foshnjave Zika bëhet më e qartë pasi ata rriten dhe vazhdojnë të luftojnë në mënyrë të konsiderueshme me aftësitë motorike, krizat me gjumin, dëgjimin dhe problemet e vizionit dhe shenjat e dëmtimit intelektual.
Pasi Zika shpërtheu në Polinezi Franceze, ajo rrugëtoi drejt Brazilit në 2014, duke u përhapur shpejt në vende të tjera në Karaibe, Amerikën Latine, Amerikën e Jugut dhe në pjesë të SHBA.
Pasi mendohet të jetë një infeksion i butë, relativisht i padëmshëm viral, shkencëtarët përfundimisht lidhën grupimet e fëmijëve të lindur me mikrocefali, midis defekteve të tjera të lindjes, me rajonet e prekura nga virusi.
Në SHBA, Qendrat për Kontrollin dhe Parandalimin e Sëmundjeve (CDC) vlerësojnë se 51 foshnja kanë lindur me defektet e lindjes Zika, 43 prej të cilave kishin mikrocefali.
Çrregullimi është jashtëzakonisht i rrallë, duke prekur vetëm midis dy dhe 12 foshnjeve për çdo 10,000 të lindur në SHBA, shkruan Daily Mail, transmeton Klan Kosova.
