Forcat Speciale Shqiptare dhe të ShBA-së me ushtrim të përbashkët

Forcat Speciale Shqiptare kanë zhvilluar një ushtrim të përbashkët me Forcat Speciale të SHBA-së. Kështu ka njoftuar Shefi i Shtabit të Përgjithshëm të FA-së, Arben Kingji, përmes një postimi në rrjetet sociale, transmeton Klankosova.tv. Ky ushtrim, sipas Kingjit, ishte i bazuar në skenare reale për testimin e gatishmërisë së dislokimin emergjent (EDRE), me qëllim forcimin e aftësive, ndërveprueshmërisë dhe besimin mes Aleatëve të NATO-s për t’iu përgjigjur krizave. “Zall-Herr - Forcat Speciale Shqiptare dhe Forcat Speciale të SHBA-së, gjatë zhvillimit të stërvitjes së përbashkët, e bazuar në skenare reale për testimin e gatishmërisë së dislokimin emergjent (EDRE), me qëllim forcimin e aftësive, ndërveprueshmërisë dhe besimin mes Aleatëve të NATO-s për t’iu përgjigjur krizave”, ka shkruar ai.