Lajmet e fundit
Forcat izraelite shtuan sulmet ajrore në të gjithë Rripin e Gazës të enjten, duke vrarë të paktën 40 persona, thanë mjekët palestinezë, në betejën e mëtejshme me militantët e udhëhequr nga Hamasi, ndërsa Izraeli po përgatitet për një luftë më të gjerë në rajon.
Sulmet ajrore izraelite goditën një grup shtëpish në kampin Al-Bureij të Gazës qendrore, duke vrarë të paktën 15 persona, dhe kampin Al-Nuseirat, ku vranë katër, thanë mjekët. Nuseirat dhe Bureij janë ndër tetë kampet historike të enklavës me popullsi të dendur dhe shihen nga Izraeli si bastione të militantëve të armatosur, raporton Reuters, transmeton Klankosova.tv.
Avionët izraelitë bombarduan gjithashtu një shtëpi në zemër të qytetit të Gazës në veri, duke vrarë pesë palestinezë, ndërsa një tjetër sulm ajror në qytetin jugor të Khan Younis vrau një person dhe plagosi të tjerë, sipas mjekëve.
Më vonë të enjten, 15 palestinezë u vranë dhe 30 u plagosën në bombardimet izraelite në dy shkolla në lindje të qytetit të Gazës, tha në një deklaratë Shërbimi i Emergjencave Civile të territorit.
