Fondacioni Ydriz Basha bashkë me Bibliotekën Kombëtare sjell arkivat e veprimtarit Basha në Kosovë

“Fondacioni Ydriz Basha” themeluar nga bashkëshortja e tij, Kimete Mitrovica, ka grumbulluar dhe digjitalizuar arkivin e veprimtarit të shquar shqiptar, Ydriz Basha, për të sjellë në vendlindjen e tij të dokumentuar veprimtarinë e si ish-ambasador e veprimtar shqiptar në Belgjikë. E gjithë krijimtaria e tij tashmë është digjitalizuar dhe nga shtatori do ta pasurojë Bibliotekën Kombëtare të Kosovës. Mitrovica është shprehur se “Fondacioni Ydriz Basha” ka për qëllim që t’i digjitalizojë edhe arkivat e shumë veprimtarëve tjerë të shquar nga diaspora, të cilët kanë dhënë një kontribut shumë të madh për Kosovën. Mbrapa këtij projekti do të qëndrojë edhe Biblioteka Kombëtare e Kosovës në krye me Fazli Gajrakun, i cili në emisionin Ora 7 në Klan Kosova është shprehur se arkiva e Ydriz Bashës dhe e shumë veprimtarëve tjerë është një vlerë e shtuar për bibliotekën. E gjithë kjo punë do të realizohet në kuadër të projektit të dokumentimit të kulturës së emigracionit shqiptar dhe pritet të funksionalizimet gjatë muajit shtator. Për më shumë informata, ndiqeni linkun më poshtë. https://www.youtube.com/watch?v=aLtqX47h79Q&t=5s