Foda: Me këtë atmosferë, shpresoj se do ta fitojmë ndeshjen e radhës në shtëpi

Kosova e arriti një fitore historike në Bratisllavë kundër Sllovakisë me rezultat 2:4. Pas ndeshjes në një intervistë për Klan Kosova, ka folur trajneri Franco Foda. Ai deklaroi se nga nesër do të nisin të përgatiten për kundërshtarin e radhës. "Njëherë do ta shijojmë këtë fitore e nga nesër do të nisim të përgatitemi për kundërshtarin e radhës. Në shtëpinë tonë, me këtë publik, me këtë atmosferë, me këtë eufori shpresojmë se do të fitojmë", deklaroi Foda. Të marten "Dardanët" në stadiumin "Fadil Vokrri" në Prishtinë do të ballafaqohen me Turqinë në finalen e playoff-it për kualifikim në Kampionatin Botëror.