Reshjet e borës shkaktuan probleme në trafik, veçanërisht në trafikun ajror, në Austri dhe Gjermaninë jugore të premten, dhe aeroporti në Vjenë u mbyll plotësisht për trafikun për disa orë.Aeroporte të mbyllura dhe fluturime të anuluara“Mbi 150 fluturime janë anuluar dhe mbi 13,000 pasagjerë janë prekur”, tha Aeroporti i Vjenës pas rihapjes në orët e para të pasdites, transmeton Klankosova.tv
Trafiku është rivendosur, por pasagjerët janë paralajmëruar të presin vonesa dhe anulime fluturimesh për pjesën tjetër të ditës.Në Mynih, në Gjermaninë jugore, mbi 150 fluturime u anuluan të enjten dhe të premten në mëngjes.Aksidente trafiku, ndërprerje të energjisë elektrike dhe rrezik nga orteqetBora që ra të premten në mbrëmje shkaktoi gjithashtu vështirësi në trafikun rrugor në të gjithë Austrinë dhe Gjermaninë jugore.Policia në Bavari ka regjistruar disa dhjetëra aksidente trafiku me rreth njëzet të plagosur, tre prej të cilëve ishin të rëndë.Në Austri, një autobus doli nga rruga për shkak të një orteku, por asnjë nga pasagjerët nuk u lëndua.Problemi, siç raportohet nga policia, shkaktohet edhe nga pemët që thyhen nën peshën e borës dhe bien në rrugë.Në Steiermark, më shumë se 30,000 banorë mbetën pa energji elektrike për shkak të prishjes së disa nënstacioneve.Siç raportohet nga shërbimet dimërore, ortekët po kërcënojnë gjithashtu shumë vendpushime skijimi në Austri dhe Tirolin Jugor.Meteorologët presin një rritje të ndjeshme të temperaturave dhe shkrirje të borës të premten pasdite.Një rritje drastike e temperaturave parashikohet për të gjithë Gjermaninë gjatë fundjavës.
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
